لاہور: سول جج کے گھر تشدد کا شکار ہونے والی 14 سالہ ملازمہ رضوانہ کی طبیعت میں مزید بہتری آنے لگی۔

رضوانہ کی طبیعت کے حوالے سے میڈیکل بورڈ کے سربراہ ڈاکٹر جودت سلیم نے بتایا کہ بچی کے کمر اور سر کے زخموں کی پلاسٹک سرجری سے متعلق فیصلہ اب پیر کی صبح کیا جائے گا۔

ڈاکٹر جودت سلیم نے بتایا کہ دونوں ہاتھوں کا فریکچر پلاسٹر سے کیا جائے گا۔ رضوانہ کی کمر کے زخموں کی سکن گرافٹنگ نہیں کی گئی۔

میڈیکل بورڈ کے سربراہ نے بتایا کہ بچی تین ٹائم کھانا لے رہی ہے، حالت خطرے سے باہر ہے۔

ڈاکٹر جودت سلیم کا کہنا ہے کہ رضوانہ کی صحت کے متعلق صوبائی وزیر صحت ڈاکٹر جاوید اکرم کو روزانہ کی بنیاد پر  آگاہ کیا جا رہا ہے۔

میڈیکل بورڈ کے سربراہ نے مزید کہا کہ بچی کے سر کے زخموں کی صفائی کے عمل  کا اگلا سیشن پیر کو ہو گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/crime/2023/08/628222/amp/ کو لائک کریں۔