کراچی: چہلم حضرت امام حسینؓ کے موقع پر ہائی سیکیورٹی کے باوجود فائرنگ کے واقعات میں 5 افراد جاں بحق ہوگئے۔

تفصیلات کے مطابق گزشتہ روز کراچی کے مختلف علاقوں میں فائرنگ کے واقعات، ڈکیتی مزاحمت اور جھگڑے پیش آئے جس کے نتیجے میں 5 افراد جاں بحق ہو گئے۔

کراچی کے علاقے سرجانی ٹاؤن میں جماعت اسلامی کے یوسی کونسلر حبیب کو کنڈا لگانے سے منع کرنے کے جھگڑے پر قتل کردیا گیا جبکہ پاک کالونی میں منشیات فروشوں کی فائرنگ سے شہری جان سے گیا۔

اس کے علاوہ صفورہ چورنگی کے قریب ڈکیتی مزاحمت پر شبیر نامی شخص فائرنگ سے جاں بحق ہوا اور لیاری کلاکوٹ میں بچوں کی لڑائی میں بڑے کود گئے  فائرنگ سے یاسین  نامی شہری کو قتل کردیا گیا۔

کراچی کے سائٹ ایریا خیبر گیٹ کے قریب مبینہ ڈکیتی مزاحمت پر 1 شخص جاں بحق اور ڈاکو سمیت 2زخمی ہوئے، تاہم پولیس نے فائرنگ کے کسی بھی واقعے کا مقدمہ درج نہیں کیا۔

واضح رہے کہ گزشتہ روز شہدائے کربلا اور نواسہ رسول حضرت امام حسینؓ کا چہلم عقیدت و احترام کے ساتھ عقیدت واحترام سے منایا گیا، اس موقع پر سیکیورٹی کے سخت اقدامات کیے گئے تھے۔

 مرکزی مجلس پاک محرم ایسوسی ایشن کے زیر اہتمام نشترپارک میں منعقد ہوئی،علامہ شہنشاہ حسین نقوی نے مرکزی مجلس سے خطاب کے دوران کہا کہ مسلم امہ، سیرت رسولﷺ اور اہلبیت اطہار ؑ کے اصولوں کی پیروی کرے۔

بعد ازاں مرکزی ماتمی جلوس علم و ذوالجناح برآمد ہوا جو مقررہ راستوں سے ہوتا ہوا حسینیاں ایرانیاں پر اختتام پذیر ہوا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/crime/2023/09/313816/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/crime/2023/09/313816/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں