پاکستان کیلئے تیار ہونے والے پہلے ملجم کلاس جہاز پی این ایس بابر کی کمیشننگ کی تقریب کا انعقاد ہوا ہے۔

اس حوالے سے ترجمان پاک بحریہ نے بتایا کہ ملجم کلاس جہاز پی این ایس بابر کی کمیشننگ کی تقریب استنبول شپ یارڈ میں منعقد ہوئی۔

پاک بحریہ کے ترجمان کا کہنا ہے کہ ترکیہ کے وزیر دفاع یاشار گلیر اور نگران وزیر دفاع لیفٹیننٹ جنرل (ر) انور علی حیدر تقریب کے مہمان خصوصی تھے۔

ترجمان پاک بحریہ کے مطابق چیف آف دی نیول اسٹاف ایڈمرل محمد امجد خان نیازی نے تقریب میں خصوصی شرکت کی۔

ترجمان نے بتایا کہ پی این ایس بابر کی لانچنگ کی تقریب اگست 2021 میں استنبول میں منعقد ہوئی تھی۔

پاک بحریہ کے ترجمان نے کہا ہے کہ اسٹیلتھ خصوصیات، کثیر الجہتی ویپن سسٹمز اور جدید ترین سینسرز کے ساتھ ملجم کلاس پاک بحریہ کے جدید ترین جہاز ہیں۔

ترجمان پاک بحریہ کا کہنا ہے کہ دونوں ممالک کے درمیان مشترکہ تاون پر مبنی MILGEM منصوبہ پاکستان، ترکیہ اسٹریٹجک پارٹنرشپ میں ایک اہم سنگ میل کی حیثیت رکھتا ہے۔

ترجمان نے بتایا کہ پاکستان نے 2018 میں ترکی کے ساتھ 4 ملجم کلاس جہازوں کی تیاری کا معاہدہ کیا تھا۔

پاک بحریہ کے ترجمان نے مزید کہا کہ پاک بحریہ اور ایم ایس اسفات ترکیہ کے معاہدے کے تحت 2 جہاز استنبول شپ یارڈ جبکہ 2 کراچی شپ یارڈ میں تیار ہونے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/defence/2023/09/728787/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/defence/2023/09/728787/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔