افغانستان میں دہشت گردوں کی پناہ گاہیں اور ٹریننگ مراکز کی موجودگی کے شواہد سامنے آ گئے۔

افغانستان کے شمالی صوبہ کنڑ میں کالعدم تحریک طالبان پاکستان (ٹی ٹی پی) کے دہشت گردوں نے مدرسے میں منعقد کی گئی دستار بندی کی تقریب میں شرکت کی۔

افغانستان میں TTP کے دہشت گرد سرگرم
براہ راست دیکھیں:https://www.bolnews.com/urdu/defence/2024/01/415675/amp/#BOLNews #Afghanistan pic.twitter.com/CbmeFCMGgk

— BOL Network (@BOLNETWORK) January 21, 2024

یہ تقریب کنڑ میں موجود مدارس، مدرسہ دار الحجرا والجہاد اور جامعہ منبہ الاسلام میں ہوئی، تقریب میں دہشت گرد عظمت لالا اور مولوی فقیر کی موجودگی بھی دیکھی جا سکتی ہے جبکہ اس تقریب میں متعدد افغان رہنماؤں نے بھی شرکت کی۔

ترجمان افغان طالبان کے مطابق افغانستان میں ٹی ٹی پی کے کوئی ٹھکانے موجود نہیں جبکہ یہ تقریب افغانستان میں تحریک طالبان پاکستان کی موجودگی کا کھلا ثبوت ہے۔

  ٹی ٹی پی افغانستان کی سرزمین پاکستان کے خلاف استعمال کرتی ہے جس کا افغان حکومت کو بخوبی علم ہے، افغان عبوری حکومت دہشت گردوں کے خلاف بھرپور کارروائی کرکے خطے کو دہشت گردی سے پاک کرے۔

ٹی ٹی پی کی افغان سر زمین سے پاکستان کے خلاف دہشت گرد کارروائیوں کی بنیادی  وجہ افغان طالبان کا ٹی ٹی پی کو محفوظ پناہ گاہیں مہیا کرنا ہے۔