خیبرپختونخوا کے ضلع ٹانک میں سیکیورٹی فورسز نے دہشت گردوں کی موجودگی کی اطلاع پر انٹیلی جنس بیسڈ آپریشن کرتے ہوئے 4 دہشت گردوں کو ہلاک کردیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے دہشت گردوں کی موجودگی کی اطلاع پر ضلع ٹانک میں انٹیلی جنس بیسڈ آپریشن کیا، آپریشن کے دوران ہونے والے شدید فائرنگ کے تبادلے کے بعد 4 دہشت گرد مارے گئے۔

آئی ایس پی آر نے بتایا کہ آپریشن میں مارے جانے والے دہشت گرد علاقے میں دہشت گردی کی کئی کارروائیوں میں ملوث تھے۔

آئی ایس پی آر کے مطابق آپریشن کے دوران اور بارودی مواد برآمد بھی برآمد کر لیا گیا۔

ترجمان پاک فوج کے مطابق مقامی آبادی کی جانب سے دہشت گردوں کے خلاف سیکیورٹی فورسز کی کارروائی کا خیر مقدم بھی کیا گیا۔