پاک فوج کے جوان سیلاب متاثرہ علاقوں میں اپنے عوام کے شانہ بشانہ کھڑے ہیں، بالاکوٹ کے سیلاب متاثرہ علاقوں میں پاک فوج کی جانب سے امدادی سرگرمیاں جاری ہیں۔

پاک فوج کی جانب سے بالاکوٹ میں سیلاب متاثرین کیلئے مفت میڈیکل کیمپ کا انعقاد کیا جس میں 1327سے زائد افراد کو طبی سہولیات فراہم کی گئیں۔

میڈیکل کیمپ میں 740مرد، 336خواتین اور 251 بچوں کا بھی مفت چیک اپ اور ادویات فراہم کی گئی، معدے، پٹھوں کے درد، خارش اور سانس کی بیماریوں سمیت دیگر امراض میں مبتلا مریضوں کا چیک اپ بھی کیا گیا۔

بالاکوٹ کے مقامی افراد کیلئے منعقدہ پاک فوج کے مفت میڈیکل کیمپ میں ڈاکٹرز سمیت طبی عملہ شامل تھا۔

پاک فوج کے جوان سیلاب متاثرہ بالاکوٹ میں عوامی ضرورت کے پیشِ نظر امدادی کاموں میں مصروف ہیں ، پاک فوج سیلاب جیسی قدرتی آفت سے نمٹنے اور اپنے عوام کی مدد میں ہمہ وقت پیش پیش ہے۔