اسلام آباد: چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے کہا ہے کہ طبی تعلیم کے حوالے سے کنگ حماد انسٹیٹیوٹ کا افتتاح اہم سنگ میل ہے۔

پاک فوج کے شعبہ تعلقات عامہ (آئی ایس پی آر) کے مطابق جنرل ساحر شمشاد مرزا نے اسلام آباد میں کنگ حماد انسٹیٹیوٹ آف نرسنگ اینڈ ایسوسی ایٹڈ میڈیکل سائنسز کا افتتاح کردیا۔

کنگ حماد انسٹیٹیوٹ آف نرسنگ اینڈ ایسوسی ایٹڈ میڈیکل سائنسز کی تقریب میں بحرین نیشنل گارڈ کے کمانڈر جنرل شیخ محمد بن عیسی بن سلمان الخلیفہ بھی شریک ہوئے۔

افتتاحی تقریب سے خطاب میں جنرل ساحر شمشاد مرزا نے بحرین کے شاہ حماد بن عیسی الخلیفہ کا شکریہ ادا کیا اور پاکستان و بحرین کے گہرے برادرانہ تعلقات کو اجاگر کیا۔

انہوں نے کہا کہ طبی تعلیم کے فروغ کے لیے کنگ حماد انسٹیٹیوٹ کا قیام ایک اہم سنگ میل ہے، جو دونوں ممالک کے تعاون اور دوستانہ تعلقات کا عکاس ہے۔