خیبرپختوانخوا  میں میٹرک پاس کو تعلیم کا قلمدان سونپ دیا گیا۔

تفصیلات کے مطابق نومنتخب وزیرتعلیم اکبر ایوب صرف میٹرک پاس نکلے جبکہ سابق وزیرتعلیم ضیا اللہ بنگش  نےماسٹر کیا ہوا تھا۔

خیبرپختونخوا کے نئے وزیر تعلیم اکبرایوب میٹرک پاس نکلے، دسویں پاس شخص کو مستقبل کے معمار تیار کرنے کا ٹاسک دے دیا گیا۔

صوبائی وزیر اطلاعات شوکت یوسفزئی نے میٹرک پاس وزیر تعلیم کی تقرری کا دفاع کرتے ہوئے کہا ہے کہ اکبر ایوب کی تعلیم میٹرک ہے، اس سے پہلے جو وزیرتعلیم ہوتے تھے ان کی تعلیم پرائمری ہوتی تھی۔

کے پی وزیراطلاعات شوکت یوسف زئی کا کہنا ہے تعلیم کے ساتھ کسی وزیر کی صلاحیتوں کو بھی دیکھنا چاہیئے۔اکبرایوب باصلاحیت منتظم  اورانگریزی بولنے کے ماہر ہیں۔

شوکت یوسفزئی کا مزید کہنا تھا کہ اکبرایوب مذاکراتی عمل کے بھی ماہر ہیں

دوسری جانب خیبرپختوانخوا میں میٹرک پاس وزیر کی تقرری سوشل میڈیا پر بھی موضوع بحث بن گئی، لوگ کے پی حکومت کے اس فیصلے حیرانی کا اظہار کرتے نظر آئے۔

ایک سوشل میڈیا صارف نے لکھا کہ میٹرک پاس رکن کو وزیر بنانا تبدیلی کے دعوے داروں کا چہرہ بے نقاب کرگیا جبکہ ایک صارف نے طنز کیا کہ میٹرک پاس وزیر کا زبردست استقبال کیا جائے اور ایک شخص نے لکھا کہ اب میٹرک پاس وزیر۔۔ماسٹرز اور پی ایچ ڈی کی قابلیت رکھنے والوں کو ہدایات دے گا۔