سندھ حکومت نے موسم سرما میں اسکولوں کی مزید تعطیلات نہ کرنے کا فیصلہ کیا ہے۔

سندھ حکومت کے ترجمان مرتضی وہاب نے بول نیوز سے ٹیلیفونک گفتگو میں بتایا کہ صوبے میں اسکولوں کی مزید تعطیل نہیں بڑھائی جارہیں نہ وزیراعلی سندھ  اسکا ارادہ رکھتے ہیں۔

کراچی میں سردی کی شدت میں اضافے کے باعث محکمہ تعلیم کی جانب سے چھٹیوں میں اضافے  کا امکان ظاہر کیا گیا تھا۔

نجی اسکول مزید بند رکھنے کا اعلان

مرتضی وہاب کا کہنا تھا کہ ۔اسکولوں کی چھٹیاں ختم ہوچکی ہیںسندھ حکومت مزید اضافی کرنے کا کوئی ارادہ نہیں ہے، واضح رہے کہ محکمہ تعلیم کا قلمدان بھی اس وقت وزیر اعلی سندھ کے پاس ہے۔

دوسری جانب پیجاب اور بلوچستان کے محکمہ تعلیم نے موسم سرما کی تعطیلات میں اضافہ کردیا گیا ہے۔

بلوچستان کے مختلف علاقوں میں سردی کی شدت برقرار ہے، محکمہ موسمیات کے مطابق قلات منفی 5 ، کوئٹہ منفی 3 اور ژوب میں کم سے کم درجہ حرارت منفی 1 ڈگری سینٹی گریڈ ریکارڈ کیا گیا ، کوئٹہ میں  ٹھنڈی ہوائیں بھی چل پڑیں ایسے میں  شہریوں نےسلیمانی چائے کا استعمال شروع کردیا۔

واضح رہے کہ اس سے قبل کراچی بھر میں نجی اسکول 6 جنوری تک بند رکھنے کا اعلان کیا گیا تھا۔

رائع کے مطابق سیکریٹری تعلیم سندھ نےسخت سردی کے باوجود بچوں کی چھٹیاں نہ بڑھانے کا اعلان کیا ہے جبکہ شہر کے بیشتر نجی اسکولوں نے ازخود چھٹیوں میں اضافہ کردیا ہے۔

شہر قائد میں سرد موسم کی شدت میں اضافہ ہوا تو 50 فیصد سے زائد نجی اسکول یکم جنوری کو بند رہے جبکہ  آل پرائیویٹ اسکولز ایسو سی ایشن کے چیئرمین کے مطابق 6 جنوری تک اسکول بند رکھے جائیں گے۔

اس سلسلے میں کئی اسکولوں کی جانب سے پہلے سے والدین کو چھٹیوں سے متعلق آگاہ کر دیا گیا تھا۔

یکم جنوری کونجی اسکول بند رہے تاہم کھلنے والے سرکاری اسکولوں میں طلباء اور اساتذہ کی تعداد نہ ہونے کے برابر رہی۔