سندھ کے میٹرک اور انٹرمیڈیٹ کے 10 لاکھ سے زائد طلبہ پریشان ہوگئے ہیں کہ میٹرک اور انٹرمیڈیٹ کے امتحانات ہونگے یا نہیں۔

تفصیلات کے مطابق سندھ تعلیمی بورڈ کے سربراہان کے اجلاس  ہوا جس کی صدارت پروفیسر ڈاکٹر سعید الدین نے کی۔

اجلاس میں میٹرک اور انٹرمیڈیٹ کے امتحانات ہونگے یا نہیں بورڈ سربراہان فیصلہ نہ کر سکے اور سندھ کے تعلیمی بورڈز کے سربراہان کا اجلاس بغیر کسی نتیجے کے ختم  ہوگیا۔
بورڈ کے سربراہان نے وزیر تعلیم سے محکمہ تعلیم کی اسٹیرنگ کمیٹی کا اجلاس جلد بلانے کا مطالبہ کر دیا  ہے اور کہا ہے کہ کورونا وائرس کی صورتحال مزید بگڑنے پر 15 جون سے نویں اور دسویں کے امتحانات کرانا ممکن نہیں  ہے۔
اجلاس میں بورڈ سربراہان کی تجویز پیش کی کہ اگر کورونا وائرس کی صورتحال مزید خراب نہیں ہوتی تو ہی امتحان ممکن ہے۔