سیالکوٹ میں ایک ڈرائیور کی بیٹی رابیل کینیڈی نے سی اسی ایس کے امتحان میں نمایں کامیابی حاصل کر کے اپنی صلاحیتوں کو منوایا ہے۔

تفصیلات کے مطابق سیالکوٹ میں ایف بی آر کے دفتر میں بطور ڈرائیور کام کرنے والے جان کینیڈی کی بیٹی رابیل کینیڈی نے سی ایس ایس کے امتحان میں کامیابی حاصل کرلی ہے۔

خیال رہے کہ جان کینیڈی مسیحی برادری سے تعلق رکھتے ہیں اور ایف بی آر میں بطور ڈرائیور تعینات ہیں۔

جان کینیڈی کی بیٹی  رابیل کینیڈی فارن سروس میں فرائض انجام دینے کی خواہشمند ہیں اور ان کا کہنا ہے کہ سفارتی سطح پر ملک کی بہتر نمائندگی کرنا چاہتی ہوں۔

قبل ازیں وزیر خارجہ شاہ محمود قریشی نے فارن سروس کے لیے منتخب ہونے والی طالبہ رابیل کینیڈی کو فون کیا اور سی ایس ایس میں نمایاں کامیابی اور فارن سروس کے لیے منتخب ہونے پر انہون اور ان کے والد کو مبارکباد دی۔