قومی رابطہ کمیٹی کا بڑا فیصلہ، ملک بھر میں شیڈول اور غیر شیڈول امتحانات کو فوری ملتوی کرنے کی ہدایت کردی گئی ہے۔

تفصیلات کے مطابق وزارت تعلیم نے تمام صوبائی حکومتوں کو آگاہ کردیا ہے۔

سیکرٹری تعلیم نے چاروں صوبوں، گلگت بلتستان اور آزاد کشمیر حکومت کو خط لکھ دیا ہے۔

خط میں کہا گیا ہے کہ کچھ تعلیمی ادارے اور مدارس نے ایس او پیز کے ساتھ جون، جولائی میں امتحانات لینے کی درخواست کی تھی جبکہ یہ امتحانات کے لیے موزوں وقت نہیں ہے۔

سیکرٹری تعلیم  کے مطابق قومی رابطہ کمیٹی نے ملک بھر میں تمام امتحانات ملتوی کردیئے ہیں، صوبائی حکومتیں اس بات کو یقینی بنائیں کہ کوئی امتحان نہ ہو۔