نجی اسکولوں میں پڑھنے والے طلبات کے لئے فیسوں میں کمی کا نوٹیفکیشن جاری کردیا گیا ہے۔

تفصیلات کے مطابق سی ای او ایجوکیشن اتھارٹی لاہور پرویز اختر کی جانب سے نجی اسکولوں کے طالب علموں کے چار ہزار اور چار ہزار سے زائد فیس وصول کرنے والے اسکولوں کی فیسوں میں کمی کرنے کا نوٹفکیشن جاری کردیا ہے۔

 عدالتی احکامات کی روشنی میں ڈسٹرکٹ ایجوکیشن اتھارٹی کی جانب سے چار ہزار اور اس سے زیادہ فیس وصول کرنے والے سکولوں کی فیسوں میں غیر قانونی اضافہ کو منسوخ کردیا ہے ۔

ڈسٹرکٹ ایجوکیشن اتھارٹی کی جانب سے جاری نوٹفکیشن کے مطابق نجی اسکولوں کی جانب سے 2016 سے 19 تک فیسوں میں آٹھ فیصد اضافہ کیا گیا تھا ۔

 سی ای او ایجوکیشن اتھارٹی پرویز اختر کا کہنا ہے کہ عدالتی حکم کی روشنی میں اضافے کو کینسل کر دیا ہے جبکہ اس فیصلے سے طلبہ کو مجموعی طور پر بارہ فیصد ریلیف ملے گا ۔

انہوں نے مزید کہا کہ جو اسکول ہدایات پر عملدرآمد نہیں کرے گا اس کے خلاف کارروائی ہوگی۔

یاد رہے کہ والدین فیسوں کے حوالے سے شکایات اتھارٹی کو جمع کروا سکتے ہیں ۔