تعلیمی ادارے کھولنے سے متعلق فیصلہ جنوری  کے پہلے ہفتے میں کیا جائے گا۔

  قائد اکیڈمی میں اساتذہ کی تربیت کے لیے خصوصی ایپ کی لانچنگ  تقریب سے خطاب کرتے ہوئے صوبائی وزیر تعلیم ڈاکٹر مراد راس کا کہنا تھا کہ  کورونا کی وجہ سے تعلیمی سال میں توسیع ہوگی ۔

انہوں نے مزید کہا کہ  تعلیمی ادارے کھولنے کے حوالے سے فیصلہ جنوری کے پہلے ہفتے میں ہوگا۔  میں اسکول بند کرنے کا سب سے بڑا مخالف تھا تاہم اب حالات ایسے نہیں ہیں کے اسکول کھولے جائیں ۔

صوبائی وزیر تعلیم نے کہا کہ پنجاب میں طلبہ کی تعداد زیادہ ہے اس لیے  ہفتے میں ایک دن ایک کلاس کو لگانے کی اجازت نہیں دے سکتے ۔

مراد راس کا مزید کہنا  تھا ٹیکنالوجی کے استعمال سے اسکول ایجوکیشن میں انقلاب لارہے ہیں۔  یہ منصوبہ ن لیگ نے بھی شروع کرنے کا اعلان کیا مگر 14 ارب کی لاگت کی وجہ سے منصوبہ شروع نہ ہوسکا ۔

انہوں نے کہا کہ  ٹیکنالوجی کی وجہ سے اب اس منصوبے پر سالانہ صرف 25 لاکھ خرچ ہوں گے۔

اپوزیشن کے استعفوں سے متعلق صوبائی وزیر تعلیم کا کہنا تھا کہ  استعفوں سے خوف نہیں ،اپوزیشن آج ہی استعفے  پیش کرے۔ حکومت پانچ سال پورے کرے گی ۔سینیٹ انتخابات ایک ماہ پہلے ہونا نارمل ہے۔

مراد راس کا کہنا تھاکہ سو سیکرٹریز بھی بدلنے پڑے تو بدلوں گا ،جو کام کرے گا وہی رہے گا۔