پاکستان میں تقریبا 2 ماہ بعد  تعلیمی سرگرمیاں آج سے بحال   ہونے لگی ہیں۔

ملک بھر میں حکومتی احکامات کے مطابق مرحلہ وار اسکولوں میں تدریسی عمل کا آغاز کیا جارہا ہے، پہلے مرحلے میں  18 جنوری سے نویں، دسویں، گیارہویں اور بارہویں جماعتوں میں تعلیمی سلسلہ دوبارہ شروع کیا جائے گا ۔

علاوہ ازیں پہلی جماعت سے آٹھویں جماعت تک اور جامعات میں تعلیمی سرگرمیاں یکم فروری سے شروع ہوں گی جبکہ اگر کسی شہر میں انفیکشن ریٹ زیادہ ہوئی  تو وہاں چھوٹی جماعتیں نہیں  کھولی جائیں کی  اور جہاں کیسز ہوئے  وہاں  تعلیمی ادارے کھول دیئے جائیں گے۔

قبل ازیں سماجی رابطے کی ویب سائٹ ٹوئٹر پر اپنے پیغام میں وفاقی وزیر تعلیم شفقت محمود نے کہا کہ نویں تا بارویں ، او لیول ، اے لیویل سمیت کالجوں میں تدریسی عمل آج سے بحال ہوگا۔

واضح رہے اس سے قبل اپنے پیغام میں وفاقی وزیر تعلیم شفقت محمود نے سندھ حکومت کی جانب سے سیکنڈری کلاسز نہ کھولنے کے فیصلے پر رد عمل دیتے ہوئے کہا تھا کہ تعلیمی اداروں کے کلاسز شروع کرنے کے شیڈول میں کوئی تبدیلی نہیں کی گئی ہے اگر صورتحال یہی رہی تو تعلیمی ادارے شیڈول کے مطابق ہی کھلیں گے۔