محکمہ تعلیم کی جانب سے اساتذہ کرام کے لئے مکمل ڈریس کوڈ جاری کردیا گیا ہے۔

تفصیلات کے مطابق صوبہ پنجاب کے محمکہ تعلیم نے مراسلہ جاری کیا ہے جس میں بتایا گیا ہے کہ ڈریس کوڈ کے احکامات میل اور فی میل اساتذہ کے لئے جاری کئے ہیں۔

احکامات میں بتایا ہے کہ میل ٹیچرز کو پینٹ شرٹ کے ساتھ ٹائی اور شلوار قمیض کے ساتھ ویسٹ کوٹ پہننا لازمی ہے تاہم مناسب جوتے بھی ڈریس کوڈ میں شامل ہیں۔

خواتین افسر ڈیکوریم اور روایات کو دیکھتے ہوئے لباس زیب تن کریں گی جبکہ مناسب جوتے بھی پہنیں گی۔

اس حوالے سے محمکہ کی جانب سے تمام ایجوکیشن اتھارٹیز اور ذیلی اور اٹیچ ڈیپارٹمنٹس کو مراسلہ جاری کر دیا گیا ہے۔