وفاقی وزیر منصوبہ بندی اسد عمر نے ہفتہ میں دو دن تعلیمی ادارے کھولنے کی تجویز کی حمایت کردی ہے۔

تفصیلات کے مطابق وفاقی وزیر منصوبہ بندی اسد عمر سے گزشتہ روز آل پاکستان پرائیویٹ اسکولز اینڈ کالجز ایسوسی ایشن کے صدر ملک ابرار حسین کی قیادت میں نجی تعلیمی اداروں کے وفد نے ملاقات کی تھی۔

ملاقت میں اسد عمر نے کہا کہ اسکولوں کی مسلسل بندش سے ہونے والے مسائل اور تعلیمی نقصانات کا احساس ہے جبکہ آن لائن تعلیمی سلسلہ خاطر خواہ نتائج نہیں دے سکا۔

وفاقی وزیر کا مزید کہنا تھا کہ کم ازکم ہفتے میں دو دن فزیکل کلاسوں کیلئے این سی او سی کے اجلاس میں خود تجویز رکھوں گا۔