اداکارہ عائشہ عمر نے سوشل میڈیا پر اپنے تمام سوشل میڈیا اکاؤنٹ کو پبلک سے پرائیوٹ کرنے کا اعلان کردیا ہے۔

پاکستان شوبز انڈسٹری کی معروف فلمی و ڈرامہ اداکارہ عائشہ عمر جو اپنے بے باک انداز اور منہ پھٹ ہونے کی وجہ سے شوبز حلقوں میں کافی مشہور ہیں اپنے انسٹا گرام پر اپنا اکاونٹ پرائیویٹ کرنے کا اعلان کرتے ہوئے کہا کہ میں انسٹا گرام پر ڈی جے اور موسیقی سے متعلق اپنی تمام اسٹوریز خارج کر رہی ہوں۔

عائشہ عمر نے یہ بھی کہا کہ میں بہت جلد اپنا اکاونٹ پبلک سے پرائیویٹ کر رہی ہوں جہاں میں اپنی تمام اسٹوریز اور دیگر تصاویر صرف اپنے دوستوں اور خاندان والوں سے شیئر کر سکوں گی جو کہ مجھے بہت پہلے ہی کرلینا چاہیئے تھا۔

اداکارہ کا مزید کہنا تھا کہ اس طرح کے مثبت پیغامات مجھ کو پر جوش اور جذبات بنا دیتے ہیں اور ساتھ ہی اپنی فیملی اور مداحوں کا شکریہ بھی ادا کیا۔