بےباک امریکی گلوکارہ نکی مناج اب سعودی عرب نہیں جائیں گی،انہوں نے سعودی عرب کا کنسرٹ منسوخ کردیا۔

تفصیلات کے مطابق نکی مناج نے جدہ میں 18 جولائی کو ہونےوالا کنسرٹ خود ہی منسوخ کردیا ۔

گلوکارہ کا کہنا ہے کہ محتاط غور و فکر کے بعد فیصلہ کیا ہے کہ جدہ ورلڈ فیسٹیول میں اپنا طے شدہ کنسرٹ نہیں کروں گی۔

واضح رہے کہ پچھلےدنوں کنسرٹ کی خبر پھیلتے ہی سوشل میڈیا پر گلوکارہ کو شدید تنقید کا سامنا کرنا پڑا تھا ۔

 امریکی تنظیم ہیومن رائٹس فاؤنڈیشن نے نکی مناج کے نام ایک کھلا خط بھی لکھا تھا جس میں کنسرٹ سے دستبردار ہونے کے لیے زور دیا گیا تھا۔