لیاری کے رہائش پزیر8 سالہ وقاص بلوچ نے اپنی عُمدہ ریپنگ سے ہر ایک کا دِل جیت لیا۔

پاکستان میں ٹیلینٹ کے حوالے سے بات کی جائے تو لیاری کے علاقے کو ہر گز نظر انداز نہیں کیا جا سکتا۔

لیاری ٹیلینٹ کے نام سے خاصا مشہور علاقہ ہے لیکن وسائل کی کمی کے باعث لوگوں کے ٹیلنٹ کو اُس طرح سے پذیرائی نہیں ملتی جیسی اُن کو ملنی چاہئے۔

شہرِ ِقائد کا علاقہ لیاری وسائل کی کمی کا تو شکار ہے لیکن ٹیلینٹ کی بات کی جائے تو یہاں ٹیلینٹ کی کمی نہیں۔

لیاری کے رہائش پزیر میں ہمیں وہ ٹیلنٹ دیکھنے کو ملتا ہے جس کو بین الاقوامی سطح پر بےحد پذیرائی حاصل ہے، جیسے فٹ بال، باکسنگ، ڈانسنگ، گلوکاری اور ریپنگ وغیرہ۔

ریپر وقاص بلوچ ’تھائوزنڈ کے نام سے مقبول ہے اور یہ نام ان کے بڑے بھائی آصف نے دیا ہے جو کہ خود بھی ایک ریپر ہے۔

ریپنگ کے حوالے سے وقاص کا کہنا تھا کہ 5 سال کی عُمر میں ریپنگ سیکھنا شروع کی تھی۔

وقاص بلوچنے مزید بتایا کہ میں نے ریپنگ اپنے بڑے بھائی آصف سے سیکھی ہے اور میرا بھائی ہی میرا آئیڈیل ہے۔

وقاص کے ٹیلینٹ کو دیکھتے ہوئے آصف کا کہنا تھا کہ میرے بھائی میں ریپنگ کی حقیقی صلاحیتیں موجود ہیں، اِس کی صلاحیتوں کو دیکھتے ہوئے میں نے وقاص کو اپنے بینڈ میں شامل کیا ہے۔

آصف نے مزید کہا کہ میرا بھائی بہت جلدی سیکھ جاتا ہے۔

ریپر آصف کا لیاری کے وسائل کے حوالے سے کہنا ہے کہ ہمارے پاس ٹیلنٹ بہت ہے لیکن ہمیں مالی وسائل کی کمی ہے، بعض اوقات ہمیں کئی مہینوں تک تنخواہ نہیں مِلتی ہے۔

واضح رہے کہ ریپر وقاص بلوچ نے حال ہی میں اپنا ریپ گانا ریکارڈ کیا ہے، جس کے یوٹیوب پر آٹھ ہزار سے زیادہ فالوئرز ہیں۔