شبنم مجید نے کہا ہے کہ کشمیریوں کے ساتھ ہونے والے مظالم کے خلاف ہر کسی کو آواز بلند کرنی چاہیے۔

تفصیلات کےمطابق سریلی اواز رکھنے والی پاکستانی گلوکارہ شبنم مجید نے کشمیریوں سے اظہار یکجہتی کیلئےگیت ریکارڈ کرا لیا۔

شبنم مجید کے گیت ’کشمیر سے پیغام آیا ہے بھائیوں کو سلام آیا ہے، کے متعلق بتاتے ہوئے انہوں نے کہا کہ اس گیت کو بنانے کا مقصد کشمیریوں سے اظہار یکجہتی کرنا ہے۔

شبنم مجید نے کہا کہ موجودہ حالات میں ہر پاکستان کسی نہ کسی طرح اپنے کشمیری بھائیوں کی مدد کرے اور میرے پاس گلوکار ی کا فن تھا میں نے اس کے ذریعے اپنے کشمیری بھائیوں کی مدد کرنے کی کوشش کی ہے۔

انہوں نے کہا کہ نوجوان نسل سوشل میڈیا کے ذریعے اپنے مظلوم کشمیری بھائیوں کی بھرپور کر سکتی ہے جس سے پوری دنیا بھارت کے مظالم سے آگاہ ہو گی ۔

واضح رہے شبنم مجید پاکستان کی سریلی آواز ہے جنہیں نہ صرف پاکستان بلکہ بیرون ممالک بھی شوق سے سنا جاتا ہے۔

شبنم مجید کی شناخت ان کی مدھر آواز ہے لیکن بہت کم لوگ جانتے ہیں کہ وہ گلوگاری کے ساتھ ساتھ فلاحِ انسانیت کے بہت سے کاموں میں بھی مصروف رہتی ہیں۔

اس سے قبل س سے قبل گلوکار شہزاد رائے نے بھی ٹویٹر پر کشمیر آور منانے کا اعلان کرتے ہوئے کہا کہ وہ کراچی میں ایس ایم بی فاطمہ جناح اسکول کی 2500 طالبات کے ساتھ کشمیر آور منائیں گے اور بہت جلد ایل او سی کا دورہ بھی کریں گے۔