ہالی وڈ کے معروف اداکار سین بین نے مشہور فلموں اور ٹی وی سیریلز میں بہترین اداکاری کے جوہر دکھائیں ہیں حال ہی میں انہوں نے برطانوی اخبار کو انٹرویو دیا۔

اداکار سین بین نے انٹرویو میں کہا کہ وہ اپنی فنی زندگی میں اب تک  23 بار مر چکے ہیں اور اب  ان کا مزید کوئی مرنے کے سین کرنے کا اراداہ نہیں ہے ۔

سین بین نےانٹرویو میں بتایا کہ اب تک انھوں نےکون کون سی فلموں میں مرنے کے سینز کئے ہیں ۔

 ٹی وی سیززگیم آف تھرونز میں مارے گئے ،فلم لارڈ آف دی رنگ میں بھی فوت ہوئے اور گولڈن آئی میں ایلس کا کردار نبھاتے ہوئے بھی انہیں مرنا پڑا تھا ۔تمام فلموں اور ٹی وی سیریل میں وہ مجموعی طور پر 23 مرتبہ مرچکے ہیں ۔

اداکار نے بتایا کہ انھوں نے اسکرین پرموت کے مزید کردارادا کرنے سے انکار کردیا ہے ۔

سین بین نے مزید کہا کہ اب وہ ایسے اسکرپٹ قبول نہیں کریں گے جس میں انہیں آخر کار مرنا پڑے کیونکہ لوگ یہی سمجھنے لگے ہیں جلد یا بدیر میں سکرین پر دم توڑدوں گا۔

اداکار نے مزاحیہ انداز میں کہا کہ چاہے فلم میں مجھے کتنا ہی زخمی کیوں نہ کردیں لیکن مجھے جان سے نہ مارا جائے ، اس کی وجہ یہ ہے کہ انہوں نے بہت سی فلموں میں خطرناک کردار ادا کیے جنہیں لا محالہ آخر میں مرنا ہی ہوتا تھا ۔