پاکستان کے پہلے نوبل انعام یافتہ سائنسدان عبدالسلام پر ننے والی فلم ’سلام‘ بہت جلد نیٹ فلکس پر دیکھی جاسکے گی۔

جھنگ کے پرانے محلہ میں رہنے والے اسکول ماسٹر کے ہاں بچے کی ولادت پر کسی کو گمان بھی نہ تھا کہ وہ مستقبل میں کتنا بڑا انسان بنے گا، نئی نسل کو شاید ڈاکٹر عبدالسلام کا نام اجنبی لگے مگر دنیا جانتی ہے کہ اس چھوٹے سے محلے میں پرورش پانے والے نوبیل انعام یافتہ سائنسدان نے بڑے بڑے کارنامے سرانجام دیئے اور اب ان کی زندگی پر فلم بھی بنائی گئیں ہے۔

سائنسدان عبدالسلام پر بننے والی فلم ’سلام‘رواں سال مئی میں بنی تھی اور یہ فلم اب تک کئی بین الاقوامی فیسٹول میں دکھائی جا چکی ہے۔

اس فلم کے حوالے سے سوشل میڈیا صارف نے مزید بتایا کہ عبدالسلام پر بننے والی یہ فلم پہلی اکتوبرسے نیٹفلکس پر دیکھی جاسکے گی۔’سلام‘ کے عنوان سے یہ فلم بروکلین میں مقیم ہدایتکار آنند کمالکار کی محنت کا ثمر ہے جس کی پیشکش قیلولا پروڈکشنز نے کی ہے۔

فلم کے ہدایت کاروں کا کہنا ہے کہ یہ فلم ایک فیچر فلم ہے جو ڈاکٹر عبدالسلام کی زندگی پر مبنی ہے اور یہ فلم ان کی زندگی سے منسلک تمام تر پہلوں کو مذِ نظر رکھتے ہوئے بنائی گئی ہے خاص طور پر یہ فلم ان کی زندگی کے دو پہلوں پر روشنی ڈالتی ہے جو کہ مذہب اور سائنس ہیں۔

Salam – The First ****** Nobel Laureate
Coming soon to a streaming platform near you. pic.twitter.com/qGezvVrzHt

— Salam – the film (@salamdocufilm) May 31, 2019

متذکرہ فلم کو 2018 میں ساؤتھ ایشیا فلم فیسٹیول، مونٹریال میں بہترین دستاویزی فلم منتخب ہونے کا اعزاز بھی حاصل ہوا ہے۔

فلم کے ٹریلر میں ان کی زندگی کے گزرے ہوئے وقت کو ہی دکھایا ہے کہ ڈاکٹرعبدالسلام نوبل انعام موصول کر رہے ہیں جب کہ سوئیڈن کے گوستو ان کے ہمراہ کھڑے ہیں اور عبدالسلام پاپائے روم سے بھی ملاقات کر رہے ہیں۔

اس سے قبل ڈاکٹر عبدالسلام کو 1979 میں نوبل انعام ملا تھا۔ یہ پاکستان میں سب سے پہلا نوبل انعام تھا جب کہ جنوبی ایشیا میں چوتھا تھا۔

ڈاکٹر عبدالسلام کےبیٹے نے بتایا کہ ان کے والد بڑے سائنسدان تو تھے لیکن بہت کم لوگ یہ جانتے ہیں کہ سائنس کے ساتھ انھیں انگریزی اور اردو ادب سے بھی گہرا لگاؤ تھا۔

ڈاکٹر عبدالسلام نے غالب پر کئی مضامین لکھے ہیں اور وہ ہر موضوع پر کتابیں پڑھتے تھے۔

واضح رہے کہ احمدی ہونے کی وجہ سے ڈاکٹر عبدالسلام کو ملک چھوڑ کر جانا تو پڑا لیکن وہ مرتے دم تک پاکستانی شہری ہی رہے۔ ’انھیں برطانیہ اٹلی اور یہاں تک کہ انڈیا نے اپنی شہریت دینے کی پیشکش کی لیکن انھوں نے آخر وقت تک پاکستانی پاسپورٹ نہیں چھوڑا۔

یاد رہے کہ  پاکستان ڈاکٹر عبدالسلام کے علم و دانش سے خاطر ِخواہ فائدہ تو نہیں اٹھا سکا، لیکن سائنس کے میدان میں اُن کی خدمات کو کسی طور بھی پسِ پشت ڈالا نہیں جاسکتا جن کی بنیاد پر سائنس آج بھی نئی دریافتیں کر رہی ہے۔