پاکستان کی معروف اداکارہ سارہ خان نے اپنی شادی سے متعلق تمام خبروں کی تردید کرتے ہوئے بتایا کہ ان کا جلد شادی کرنے کا کوئی اراداہ نہیں ہیں۔

گزشتہ دنوں سارہ علی کی شادی سے متعلق خبریں گردش کر رہی تھیں کہ وہ ساتھی اداکارآغا علی سے بریک اپ ہونے کے بعد جلد ہی شادی کا اعلان کریں گی۔

سماجی رابطے کی ویب سائٹ انسٹاگرام پر اداکارہ نے اسٹوری شیئر کرتے ہوئے لکھا کہ میں جب تک خود کوئی بات نہ کہوں اس کا یقین نہیں کریں، میری پرائیویسی کا خیال رکھیں اورغلط افواہیں پھیلانے سے گریز کریں۔

اداکارہ نے اعتراف کیا کہ یہ سچ ہے کہ ہم ایک دوسرے کو پسند کرتے تھے، شادی کرنے والے تھے لیکن آغا نے اخلاقیات کی ہر حد کو پار کرتے ہوئے میرا دل دکھایا۔

اداکارہ نے بتایا کہ آغا علی کے ساتھ جب میں شادی کا فیصلہ کررہی تھی تب بھی میرے والدین نے سپورٹ کیا اور جب میں نے اس کی حرکتوں کی وجہ سے راستے الگ کرنے کا فیصلہ کیا تب بھی میرے والدین نے سپورٹ کیا۔

دوسری جانب سارا خان نے فلموں میں کام کرنے کے حوالے سے بات کرتے ہوئے بتایا کہ ان کو بہت آفرز آتی ہیں لیکن وہ کوئی ایسی فلم نہیں کرنا چاہتیں جس میں انہیں ’سکن شو‘ کرنی پڑے کیونکہ نہ بیک لیس پہن سکتی ہوں، نہ سلیولیس اور نہ ہی آئٹم نمبر کر سکتی ہوں لہزا اگر میری مرضی کے مطابق مجھے آفر آئی تو ضرور کروں گی۔