شاہی جوڑے شہزادہ ولیم اور شہزادی کیٹ مڈلٹن نے لندن میں پرنس کریم آغا خان سے ملاقات کی اوراس موقع پر کیٹ مڈلٹن نے پاکستانی جیولری کا انتخاب کیا۔

شہزادی کیٹ نے ہرے رنگ کے جوڑے کے ساتھ پاکستانی برانڈ ’زین‘ کی خوبصورت جیولری کا استعمال  کیا۔

پاکستانی ملبوسات تو دنیا بھر میں پسند کیے جاتے ہی ہیں لیکن پاکستانی جیولری کو بھی پوری دنیا میں پسند کیا جاتا ہے ۔

اس حوالے سے زین نے انسٹاگرام پر پوسٹ شیئر کی کہ برطانوی شاہی شہزادی کا اپنی جیولری کے لیے پاکستانی برانڈ کا انتخاب کرنا اعزاز کی بات ہے۔

See more

دوسری جانب پاکستانی دفتر خارجہ کی جانب سے برطانوی شاہی جوڑے کو پاکستان کے دورے کی دعوت دی گئی تھی جس پر برطانوی شاہی محل کی جانب سے گزشتہ ماہ اعلان کیا گیا تھا کہ شہزادہ ولیم اور شہزادی کیٹ مڈلٹن 14 سے 18 اکتوبر تک پاکستان کا دورہ کریں گیں۔

برطانوی شاہی جوڑے کا یہ دورہ  پاکستان کا پہلا سرکاری دورہ ہوگا جس میں شاہی جوڑے کے ساتھبرطانوی رائل افواج کے حکام بھی پاکستان آئینگے۔

ذرائع کے مطابق پاکستان  اور برطانیہ کی افواج کے درمیان اہم عسکری ملاقاتیں بھی  دورے کا اہم حصہ ہونگی اور یہ  دورہ  پاک برطانیہ تعلقات کو مزید فروغ دے گا اس کے علاوہ پاکستان میں ماحولیاتی تبدیلی کا موضوع بھی دورے کا حصہ ہوگا۔

شہزادہ ولیم اور شہزادی کیٹ مڈلٹن اسلام آباد۔،لاہور اور ناردن ایریاز کا دورہ بھی  کرینگے ۔

اس سے قبل شہزادہ چارلس اور ڈچز آف کارنوال 2006 میں پاکستان آچکے ہیں۔