بنگلادیشی دارالحکومت ڈھاکا میں گزشتہ ہفتے انٹرنیشنل کنونشن سٹی بسندھار میں مقابلۂ حسن کے پروگرام کا انعقاد کیا گیا تھا۔

تفصیلات کے مطابق  بنگلہ دیش بھی آہستہ آہستہ ہر میدان میں آگے بڑھتا جا رہا ہے ہےگزشتہ دنوں بنگلہ دیش اور دنیا کی خوب صورت حسیناﺅں کا میلہ سجایا گیا جہا ںبھارت اور سری لنکا سمیت کچھ اور ممالک نے شرکت کی۔

شیرین اختر شیلا کو فائنل میں جیوری کی جانب سے 68 ویں مس یونیورس کے اعزاز سے نوازا گیا اور ان کی تاج پوشی بھی کی گئی۔

 شیرین اختر شیلا نے کسی بھی مقابلۂ حسن میں پہلی بار حصہ لیا اور کامیابی کے جھنڈے گاڑے۔

مس یونیورس منتخب ہونے والی خاتون فزکس تھرڈ ایئر کی طالبہ ہیں۔

بھارتی اداکارہ ، ماڈل اور 1994 میں مقابلہ حسن جیتنے والی سشمتا سین نے نوجوان حسینہ کو تاج پہنایا۔

سابق ملکہ حسن کا کہنا تھا کہ ’’مجھے اس اہم موقع کا حصہ بننے پر بہت خوشی ہے، آج ہم نے تاریخ رقم کی اور آپ جانتے ہیں کیوں؟ آج پہلی بار بنگلادیش کی نمائندگی ہوئی اور یہ اعزاز  اُن کو ہی ملا‘‘ْ

واضح رہے کہ مقابلہ حسن میں نیپال، بھارت اور سرلنکا نے حصہ لیا جبکہ پاکستان نے مس یونیورس کے مقابلے میں شرکت نہیں کی۔