سائنس فکشن فلم سیریز ’اسٹار وارز‘ کا سیکویل، دی رائز آف اسکائی واکر کا نیا ٹریلر جاری کردیا گیا ہے۔

سائنس فکشن فلم سیریز ’اسٹار وارز‘ کے دیوانوں کے لیے ’اسٹار وارز‘ فلم کے نویں سیکوئل ’ کی پہلی فلم کے ٹریلر کو بہت پسند کیا جا رہا ہے۔

ہدایت کار جے جے ابرامز کی فلم کے جاری کیے گئے مختصر دورانیے کے ٹریلر میں اسٹار وارز کے کرداروں کو روایتی سائنس فکشن آلات سے ایک دوسرے کو مات دیتے ہوئے دکھایا گیا ہے۔

اس فلم میں ڈیزی ریڈلے، ایڈم ڈرائیور، جان بوئگا، آسکر ایساک، لپیتا نیونگ اور کیلی میری ترن سمیت دیگر اداکار شامل ہیں جبکہ ولن، پال پٹائین کی واپسی بھی دکھائی گئی ہے۔

کیری فشر اس سیریز میں وائس ایڈمرل ایمیلن ہولودو کا کردار ادا کرتی دکھائی دیتی تھیں، تاہم 2016 میں وہ ’دی لاسٹ جڈائے‘ کی شوٹنگ کے دوران چل بسی تھیں اور ان کی جگہ لورا ڈیرن کو آٹھویں فلم میں کاسٹ کیا گیا تھا۔

فلم دی رائز آف اسکائی واکر ایکشن سے بھر پور فلم ہے جو فلم بینوں کی توجہ کا مرکز بنے گی اور اس فلم میں اداکار ایکشن میں دکھائی دیں گے۔

2 منٹ کے دورانیے کے ٹریلر کو دیکھ کر فلم کی کہانی کا اندازہ لگانا مشکل ہے جب کہ فلم کی ٹیم نے بھی تاحال فلم کی کہانی کو راز میں ہی رکھا ہے۔

تاہم ٹریلر دیکھ کر اندازہ ہوتا ہے کہ اس بار شائقین انتہائی مزیدار فلم دیکھ سکیں گے۔

اس سے قبل اسٹار وار سیریز کی پہلی فلم ’دی فورس اویکن2015 میں ریلیز کی گئی تھی جبکہ دوسری فلم ’دی لاسٹ جڈائے‘ 2017 میں ریلیز کی گئی تھی۔

اسٹار وارز سیریز کی تیسری فلم دی رائز آف اسکائی واکر شائیقین کی توجہ حٓصل کرنے کے ساتھ ساتھ  سینیما گھروں کی زینت بھی بنے گی۔

گزشتہ روز قبل سائنس فکشن فلم سیریز ’اسٹار وارز‘ کا سیکویل، دی رائز آف اسکائی واکر کا ٹریلر ریلیز کیا گیا تھا جسے مداحوں نے بہت پسن کیا تھا۔

فلم کے پہلے ٹریلر میں ایکشن سے بھر پور مناظر دکھائے گئے تھے ساتھ ہی ایک ایسی دلچسپ کہانی کی جھلکیاں دکھائی تھی جس میں ایک لڑکی تنہا سب کا مقابلہ کرتی دکھائی دیں رہی ہے۔

اسٹار وار لیوک اسکائی ایک ایسی کہانی ہے جس میں اداکار ہان سولو اور جادوگر جیدی ماسٹر اوبی وان کے ساتھ مل کر شہزادی لیہ کو سلطنت کے چنگل سے آزاد کرنے کی کوشش کر رہے ہیں۔

واضح رہے کہ اسٹار وارز سیریز کی آخری اور تیسری فلم دی رائز آف اسکائی واکر کو رواں برس 20 دسمبر تک ریلیز کیا جائے گا۔