گزشتہ ہفتے امریکی باکس آفس پر جمانجی کا راج رہا اس سے قبل  پہلی پوزیشن پرفروزن ٹو کا راج تھا ۔لیکن فروزن ٹو کا سحر ٹوٹا نہیں بلکہ کم ہو گیا اور وہ  دوسرے نمبر پر آگئی ۔

تفصیلات کے مطابق جمان جی دی نیکسٹ لیول کا جادو چل گیا۔ چھ کروڑ دس لاکھ ڈالرز اکٹھے کرکے امریکی  باکس آفس  پر پہلی پوزیشن پر قبضہ جما لیا۔

یہ فلم دسمبر کامیڈی کے لئے بھی سب سے زیادہ پہلی پوزیشن کے ساتھ ساتھ ستاروں کیون ہارٹ اور جیک بلیک کے لئے براہ راست ایکشن فلم کے لئے بہترین آغاز کا بھی نشان زد ہے۔

دوسری  جانب  دو شہزادی بہنوں کی داستان  سے  منسلک  فلم  فروزن ٹو کا سحر اب تک برقرار ہے، دوسری  پوزیشن  پر آنے کے با وجود   فروزن ٹو  نے  ایک کروڑ بانوے لاکھ  ڈالرز  کما لئے۔

کرائم ایکشن ایڈونچر ڈراما مووی نائف آؤٹ  نے  اس ہفتے تیسری پوزیشن حاصل کی اور تیرانوے لاکھ ڈالرز  کمائے ۔ یاد رہے رچرڈ جوئل اس ہفتے ٹاپ فائیو میں جگہ بنانے والی نئی فلم ہے ، جس نے ریلیز کے ساتھ  چوتھے نمبت پر جگہ بنا لی  اور  اس فلم نے   پچاس لاکھ ڈالرز کمائے ۔

کرسمس کے موقع پر ہونے والے دل خراش واقعے کے گرد گھومتی بلیک کرسمس کا امریکی باکس آفسپر پانچواں نمبر رہا،  اور اس نے چوالیس لاکھ ڈالرز کمائے ۔

واضح رہے کہ رواں برس ہالی ووڈ کی ایڈونچر فلم ’جومانجی دی نیکسٹ لیول‘ کا برلن اور لندن میں رنگا رنگ پریمیر کا انعقاد کیا گیا تھا۔ اور جولائی  میں اس فلم کا ٹریلر بھی جاری کر دیا گیا تھا۔

ٹریلر میں دی راک ڈیوائن جانسن سمیت سٹار کاسٹ نے شرکت کی اور خوب جلوے بکھیرے۔ جیک کسدان کی ہدایتکاری میں بننے والی اس فلم کی کہانی وڈیو گیم میں قید دلچسپ کرداروں کے گرد گھومتی ہے۔