فلم اسٹار میرا ہمیشہ خبروں میں رہنے کا فن جانتی ہیں ، انہوں نے متعدد فلموں میں اداکاری کے جوہر دکھائے ہیں اور اب و ہ گلوکاری کے  میدان میں قسمت آزمائی کرنے جارہی ہیں ۔

رواں برس فلم اسٹار میرا اپنی سپر ہٹ فلم ’باجی‘ کے ذریعے میڈیا کی ہیڈلائنز کی زینت بنی رہیں ، اس کے علاوہ کئی ایوارڈز ایونٹس میں کافی نمایاں رہنے کے بعد وہ ایک بار پھر سرخیوں میں جگہ بنا رہی ہیں۔

فلم اسٹار میرا نے اپنے انسٹاگرام اکاؤنٹ پر ایک ویڈیو شیئر کر کے مداحوں کی توجہ ایک بار پھر سمیٹ لی ہے۔

انسٹاگرام پر جاری کردہ ویڈیو میں دیکھا جاسکتا ہے وہ سرُ اور راگ سیکھ رہی ہیں۔ اس ویڈیو کو دیکھ کر سمجھداروں کے لیے سمجھنا ممکن نہیں کہ اداکارہ نے اشارہ دے دیا ہے کہ وہ جلد ہی گلوکاری کے میدان میں بھی سُر بکھیرتی نظر آئیں گی۔

اس ویڈیو کے کیپشن میں میرا نے لکھا ہے کہ گلوکاری بڑی مشکل ہے، میں کچھ نیا سیکھنے کی کوشش کر رہی ہوں، نئے کردار میں ہونا بڑا دلچسپ ہے۔

یاد رہے کہ اداکاری سے گلوکاری کے میدان میں آنے والی میرا پہلی اداکارہ نہیں بلکہ اس سے قبل پاکستان کی متعدد اداکارائیں، اداکاری کے ساتھ گلوکاری کے جوہر بھی دکھا چکی ہیں ۔ ان اداکاراؤں میں مہوش حیات، عائشہ عمر، سجل علی اور ہانیہ عامر بھی شامل ہیں۔

مہوش حیات اور عاشہ عمر کوک اسٹوڈیو میں گلوکاری کے جوہر دکھا چکی ہیں جب کہ سجل علی اور ہانیہ عامر ڈارمہ سیریلز کے اوریجنل ساؤنڈ ٹریک (او ایس ٹی) گُنگُنا چکی ہیں۔