پاکستانی اداکارہ انجلین ملک ہالی ووڈ میں جلوہ گر ہونے کے لیے تیار ہیں۔

تفصیلات کے مطابق اداکارہ وہدایت کارہ انجلین ملک بہت جلد ہالی ووڈ میں ڈیبیو کرنے جارہی ہیں فلم کی کہانی بچوں کی زبردستی شادی کرنے کے موضوع پر مبنی ہے۔

See more

یاد رہے پاکستانی اداکارہ انجلین ملک ایک نامور اداکرہ و ماڈل کے ساتھ ساتھ ہدایت کاری اور پروڈکشن کے شعبوں سے بھی جڑی ہوئی ہیں اور ہر شعبہ میں کامیابی اور نام بنایا ہے۔

اداکارہ نے پاکستان میں تو نام بنایا ہی لیکن اب بہت جلد ہالی ووڈ میں بھی اپنی اداکاری سے لوگوں کے دلوں میں جگہ بنانے میں کامیاب رہے گی۔

See more

فلم کی کہانی  بچوں کی زبردستی شادی کے گرد گھومتی ہے۔،فلم میں ونی اور سوارا جیسے موضوعات کو اجاگر کیا جائے گا،اداکارہ انجلین ملک فلم میں ماں کے کردار میں نظرآئیں گی۔

اداکارہ نے بتایا کہ پاکستان میں آج بھی کئی علاقوں میں بچیوں کو شادی یا قتل یا دیگر تنازعات کو ختم کرنے کے لیے معاوضے کے طور پر کسی کے حوالے کردیا جاتا ہے جس کا فیصلہ قبائلی علاقوں میں موجود جرگا کرتے ہیں۔

اداکارہ کے مطابق پاکستانی قانونی میں ونی کو غیر قانونی قرار دیا جاچکا ہے البتہ کچھ علاقوں میں یہ اب بھی جاری ہے۔

اس فلم کے نام کا اعلان اب تک نہیں کیا گیا البتہ اس کی پروڈکشن پاکستانی نژاد امریکی پروڈیوسر فران طاہر کررہے ہیں جو ہولی وڈ فلم ‘آئرن مین’ میں اہم کردار نبھاچکے ہیں۔

فلم میں اپنے کردار کے حوالے سے اینجلین ملک کا کہنا تھا کہ ‘میں فلم میں ایک ایسی ماں کا کردار نبھاتی نظر آؤں گی جو اپنے خاندان کو بچانے کے لیے اس رواج پر عمل کرنے پر مجبور نظر آتی ہے۔

واضح رہے کہ فلم کی ریلیز تاریخ کا تاحال اعلان نہیں کی گئی لیکن انجلین کی بہترین اداکاری  پاکستان کے ساتھ ساتھ تمام لوگوں کے دلوں میں گھر کر جائے گی۔