پاکستان کی ناموراداکارہ نے اپنے مداحوں کو دوسری شادی کرنے کے بارے میں بتا دیا ہے۔

تفصیلات کے مطابق سوشل میڈیا صارف کی جانب سے دوسری شادی کے حوالے سے پوچھے جانے والے سوال کا جواب دیتے ہوئے اداکارہ نے بتایا کہ وہ کب دوسری شادی کر رہی ہیں۔

گزشتہ ماہ سے شوبز انڈسٹری سے تعلق رکھنے والوں کی شادیا ں چل رہی ہیں۔

حال ہی میں اداکارہ اقرا عزیزاوریاسرحسین کی شادی ہوئی اور اس سے قبل نمل اور حمزہ علی شادی کے رشتہ میں جڑے تھے اب مداحوں کو اس بات کو معلوم کرنے میں دلچسپی ہے کے آخر ماہرہ خان کب دوسری شادی کر رہی ہیں۔

اداکارہ ماہرہ خان زیادہ پُرکشش کیوں، مہوش حیات

گزشتہ روز پہلے شہبازعلی نامی صارف نے ٹوئٹر پر ’’آسک ماہرہ‘‘ سیشن کے دوران ان سے یہ سوال پوچھ ہی لیا کہ آپ کو نہیں لگتا کہ اب آپ کو دوبارہ شادی کرلینی چاہیئے؟

صارف کے سوال کا جواب دیتے ہوئے ماہرہ نے ان ہی کے اندازمیں کہا جب لگے گا تو کرلوں گی۔

https://twitter.com/TheMahiraKhan/status/1212428718787964928

ماہرہ خان کے دوسرے شادی کے جواب دینے کے انداز کو سوشل میڈیا پربہت سراہا جا رہا ہے جبکہ کچھ صارفین تو کہہ رہے ہیں کہ ان کی مرضی جب چاہیں شادی کریں نہیں تو نہ کریں۔

یادرہے کہ اداکارہ ماہرہ خان نے پہلی شادی علی عسکری سے 2007 میں کی تھی لیکن بعد ازاں دونوں میں طلاق ہوگئی اور ماہرہ خان اورعلی عسکری کا ایک بیٹا اذلان ہے جو ماہرہ کے ساتھ ہی رہتا ہے۔

واضح رہے حال ہی میں ایشیا کی 50  پرکشش خواتین میں اداکارہ ماہرہ خان چوتھے نمبر پر جبکہ اداکارہ مہوش حیات نویں نمبر پر جگہ بنانے میں کامیاب ہوئی تھی۔

برطانوی جریدے ایسٹرن آئی نے ایشیا کی 50  پرکشش خواتین کی فہرست جاری کی تھی جس میں پاکستانی اداکارہ مہوش حیات کو ایشیا کی رواں سال نویں پرکشش خاتون قراردیا گیا لیکن مہوش اس فیصلے سے ناخوش تھی۔