پاکستانی اداکارہ اور میزبان ماریہ واسطی نے کہا کہ سٹیزنشپ (سی اے اے) ناجائز طور پر ہندوستان کے شہریوں پر اثر انداز ہو رہا ہے۔

تفصیلات کے مطابق پاکستانی اداکارہ ماریہ نے سماجی رابطوں کی ویب سائٹ پر ایک ویڈیو شائع کی جس میں اداکارہ نے مودی کو ہٹلر کہا ہے۔

ویڈیو میں دیکھا جا سکتا ہے جس میں ماریہ کہ رہی ہے کہ بھارت میں لوگ اپنے ہی ملک میں غیر محفوظ محسوس اور خوفزدہ ہے اور مودی ایک جدید دور کا ہٹلر ہے جو ہندوستان کی آئندہ نسل کو جذباتی اور جسمانی طور پر تباہ کررہا ہے۔

اداکرہ نے کہا کہ وہ نہیں جانتی ہیں کہ بھارت میں اپنے ہی لوگوں کو معزور کرکے مودی کا اصل فوائد کیا ہے۔

ماریہ نے بھی نصیرالدین شاہ کی حمایت کی اور کہا کہ اپنے ہی ملک میں خود کو غیر محفوظ محسوس کرنا واقعی عجیب بات ہے۔

اس سے قبل بالی ووڈ کے نامور اداکار نصیرالدین شاہ نے ہندوستان کے شہریت ترمیمی ایکٹ پر شدید تشویش کا اظہار کیا تھا۔

بھارتی اداکار نصیرالدین شاہ متنازع قانون پر سوال اٹھاتے ہیں اور پوچھتے ہیں کہ اگر وہ اپنی زندگی کے 70 سال تک بھارت میں رہنے کے باوجود ہندوستانی نہیں بنتے تو کونسا قانون انہیں ہندوستانی ثابت کرے گا۔

بھارتی اداکار نصیرالدین شاہ نے بھارتی حکومت کی جانب سے دسمبر 2019 میں بنائے گئے متنازع شہریت قانون اور اس کے خلاف مظاہرے کرنے والے افراد اور طلبہ پر تشدد کیے جانے پر پہلی بار خاموشی توڑتے ہوئے کہا  تھا کہ وہ موجودہ حالات سے خوفزدہ تو نہیں مگر انہیں غصہ ضرور ہے۔

ایک انٹرویو میں نصیر الدین شاہ نے کہا تاھا کہ 70 سال بعد بھی انہیں یہ ثابت کرنے کی ضرورت پڑے کہ وہ مسلمان ہونے کے ساتھ ساتھ بھارتی بھی ہیں اور پھر بھی ان کے ثبوتوں کو نہ مانا جائے تو وہ کہاں جائیں اور کیا کریں؟

انہوں نے سوال اٹھایا تھا کہ ان کا بھارت میں اپنی زندگی کے  70 سال تک رہنا اور وہاں کام کرنا ان کے بھارتی ہونے کا ثبوت نہیں تو پھر وہ کیا کریں؟

اداکار نے کہا تھا کہ انہوں نے اور ان کے خاندان نے آج تک یہ نہیں سوچا تھا کہ بھارت میں مسلمان ہوکر رہنا کوئی مشکل ہے تاہم اب انہیں احساس ہونے لگا ہے کہ وہ مسلمان ہوکر ہندوستان میں نہیں رہ سکتے۔

بھارتی حکومت کا قرآن کے نسخے نیلام کرنے کا فیصلہ

نصیر الدین شاہ کے مطابق اب انہیں ہر وقت اپنی شناخت اور اپنے مسلمان ہونے کا خوف لگا رہتا ہے اور ساتھ ہی وہ فکرمند رہنے لگے ہیں، متنازع شہریت قانون پر بات کرتے ہوئے نصیر الدین شاہ کا کہنا تھا کہ وہ اس حساس معاملے میں بولی وڈ کے کامیاب ترین اور بااثر ترین اداکاروں کی خاموشی پر حیران ہیں۔

دوسری جانب بالی ووڈ کی مشہور شخصیات جن میں دیپیکا پڈوکون ، تاپسی پنوں ، دیا مرزا ، رچا چڈا ، سوارا بھاسکر ، عالیہ بھٹ ، پروینیٹی چوپڑا ، کونکونا سین ، سونم کپور نے جے این یو کے طلباء اور اساتذہ کی حمایت کی ہے۔ یاد رہے کہ بہت ساری مشہور شخصیات بھی جے این یو پہنچ گئیں اور طلبہ سے اظہار یکجہتی کیا۔ واضح رہے حمایت کرنے کے بعد ان مشہور شخصیات کو ٹویٹر پر بھارتی قوم کی جانب سے طنز کیا ہے اور جے این یو کے غیر مسلح طلباء پر تشدد کے خلاف آواز اٹھانے پر انہیں اینٹی نیشنل بھی کہا گیا ہے۔