پاکستان شوبز انڈسٹری کی اداکارہ مایا علی نے کورونا وائرس سے محفوظ رہنے کے لیے گھر کی صفائی شروع کردی۔

تفصیلات کے مطابق گزشتہ روز اداکارہ مایا علی نے انسٹاگرام پر اپنی ایک ویڈیو شیئر کی جس میں مایا علی کورونا وائرس سے بچاؤ کے پیش نظر اپنے گھر کی صفائی کرتی نظر آرہی ہیں۔

See more

مایا علی کی جانب سے شئیر کی جانے والی ویڈیو میں دیکھا جا سکتا ہے کہ اداکارہ اپنے گھر کے دروازے، سوئچ بورڈ اور کھڑکیاں وغیرہ صاف کر رہی ہیں۔

مایا علی نے پوسٹ کی کیپشن میں لکھا کہ آئیے ہم اپنے گھر سے شروع کرتے ہیں، دروازے کے نوزلز، سوئچ بورڈز اور ایسی چیزوں کو صاف کرتے ہیں جن کو ہم روزانہ کی بنیاد پر سب سے زیادہ ہاتھ لگاتے ہیں۔

اُنہوں نے لکھا کہ ’کورونا وائرس سے خود کو محفوظ رکھنے کے لیے سب سے اہم یہ ہے کہ ہم اپنے ہاتھوں کو کثرت سے دھوئیں۔

یاد رہے کہ مایا علی نے اپنی پوسٹ میں تین ہیش ٹیگ کا بھی استعمال کیا۔

پہلا ہیش ٹیگ، WashYourHands

دوسرا ہیش ٹیگ، UseHandSenitizer

تیسرا ہیش ٹیگ، TakecareOfYourself

مایا علی، حکومت یومیہ اجرت لینے والوں کے بارے میں سوچے

یاد رہے کہ اِس سے قبل مایا علی نے انسٹاگرام پر حکومت پاکستان سے درخواست کی تھی کہ حکومت ان حالات میں یومیہ اجرت لینے والوں کے بارے میں سوچے۔

See more

مایا علی نے حکومت سے درخواست کی تھی کہ وہ ان حالات میں یومیہ اجرت لینے والوں کے بارے میں سوچے۔

اداکارہ نے مشورہ دیا تھا کہ حکومت یومیہ اجرت لینے والوں کے لیے ایسی ٹیم کا بندوبست کرنے کی کوشش کرے جو بروقت پہنچ کر مفت معائنہ کرے۔

واضح رہے کیمشن کے اختتام میں اداکارہ مایا نے کہا کہ اللہ پر بھروسہ کریں اور اپنے لیے، اپنے اہل خانہ اور پوری انسانیت کے لیے ہر ممکن احتیاط برتیں، ’بیشک اللہ سب سے بڑا ہے۔‘