پاکستان کے نامور اداکار اور بول نائٹس کے میزبان احسن خان نے شعبان کے مہینے کے صدقے امت مسلمہ کے لیے اس مرض سے چھٹکارے کی دعا کی۔

تفصیلات کے مطابق اداکار احسن خان نے سماجی رابطے کی ویب سائٹ پر شعبان کے چاند کی مبارکباد پیش کی اور ساتھ ہی اس مہینہ کی برکت سے کورونا سے محفوظ رہنے کی دعا بھی کی۔

اداکار نے کہا کہ ﷲ تبارک و تعالیٰ سے دعا ہے کہ شعبان کے مہینے کے صدقے امت مسلمہ کو اس موذی مرض سے نجات دے اور  اس کا جڑ سے خاتمہ ہو جائے۔

احسن خان نے کورونا وائرس کے مریضوں کے لئے دعا بھی کی۔

 اس سے قبل بھی احسن خان نے کئی بار کورونا وائرس سے متعلق سوشل میڈیا کے ذریعے اپنے پرستاروں کو آگاہی اور احتیاطی تدابیر کے پیغامات دیئے ہیں۔

واضح رہے کہ پوسٹ کے اختتم میں اداکار احسن خان نے لکھا کہ ہمت نہیں ہارنا پاکستان۔