پاکستان کی معروف اداکارہ کبریٰ خان نے مداحوں سے کورونا وائرس سے بچاؤ کی احتیاطی تدابیر اپنانے کی درخواست کر دی۔

تفصیلات کے مطابق اداکارہ کبریٰ خان  نے سماجی رابطے کی ویب سائٹ انسٹاگرام پر درخواست کی کہ کورونا سے محفوظ رہنے کے لیے احتیاطی تدابیر اپنائے۔

See more

 کبریٰ خان نے ماسک، سینیٹائزر اور قوت مدافعت تیز کرنے کے سپلیمنٹس کی تصویر شئیر کرتے ہوئے ایک تفصیلی کیپشن لکھا ۔

اداکارہ نے انسٹاگرام پر کورونا کے حوالے سے ایک پوسٹ پر کہا کہ آگے اللہ مالک ہے۔

کبریٰ خان نے کہا کہ کچھ عرصہ قبل سب مختلف پریشانیوں کا شکار تھے جس میں جذباتی ، مالی و دیگر مسائل شامل تھے لیکن اب سب ایک ہی کوشش میں لگے ہیں اور و ہ زندہ رہنے کی کوشش ہے۔

اداکارہ نے کہا کہ زندگی کسی بھی وقت کوئی بھی نیا موڑ لے سکتی ہے۔

کبریٰ خان نے سب سے کہا کہ کورونا کے مسئلے کو سنجیدگی سے لینے کی ضرورت ہے۔

اداکارہ کا کہنا تھا کہ میں اب بھی دیکھ رہی ہوں کہ لوگ اسے مذاق میں اُڑا رہے ہیں۔

انہوں نے اس ہی حوالے سے مزید کہا کہ کورونا مذاق نہیں ہے، اس کی وجہ سے ہزاروں لوگ مررہے ہیں ۔

کبری خان نے اسے ’بقا کی جنگ ‘ قرار دیتے ہوئے مداحوں سے سنجیدہ ہونے کا کہا اور قوت مدافعت کو بہتر بنانے کے لیے وٹامنز کا استعمال کرنے کا مشورہ بھی دیا ۔

اداکارہ نے مشورہ دیا کہ زیادہ سے زیادہ ہاتھ دھوئے، سینیٹائیزر کا استعمال کرہے۔

کبریٰ نے صفائی برقرار رکھنے اور ماسک پہننے کی بھی ہدایت کی ۔

کیپشن کے اختتام میںاداکارہ نے کہا کہ اتنی احتیاط کے بعد بھی کسی چیز کی کوئی گارنٹی نہیں ہےلیکن اپنے لئے اور اپنے پیاروں کے لیے احتیاطی تدابیر اپنانے میں کوئی کباحت نہیں ۔

واضح رہے کہ پاکستان میں کورونا وائرس سے متاثر لوگوں کی تعداد 457 ہو گئی ہے۔