پاکستان شوبز انڈسٹری سے تعلق رکھنے والی معروف اداکارہ سجل علی اور اداکار احد رضا میر رشتہ ازدواج میں منسلک ہوگئے ہیں جن  کی تصاویر اور ویڈیو سوشل میڈیا پر وائرل ہوگئی ہیں۔

سوشل میڈیا پراداکار  احد اور سجل ’ساحد‘ کے نکاح کی ویڈیو وائرل ہورہی ہےجس میں دیکھا جاسکتا ہے کہ احد رضامیر اپنی فیملی کے ہمراہ  نکاح خواہ کے ساتھ بیٹھے ہیں اور ان کا رسم نکاح پڑھایا جارہا ہے۔

اپنے نکاح کےموقع پر اداکار کریم رنگ کی سادہ شیروانی اور سفید چوڑی دار پاجامے میں ملبوس ہیں۔

اِس کے ساتھ ہی سوشل میڈیا پر ایک ویڈیو بھی وائرل ہو رہی ہے جس میں قاضی احد رضا میر کا نکاح پڑھا رہا ہے۔

دوسری جانب سجل علی نے تصویر اور ویڈیو شیئرنگ ایپ انسٹاگرام پر اپنے اکاؤنٹ کانام تبدیل کرکے سجل احد میر کرلیا ہے۔