ہالی وڈ کے معروف اداکار ہیری پوٹر کورونا وائرس میں مبتلا ، یہ خبریں گزشتہ روز سے سوشل میڈیا پر گردش کر رہی ہیں۔ لیکن کیا یہ بات واقعی سچ ہے۔

تفصیلات کے مطابق ایک ویب سائٹ نے گزشتہ روز یہ ٹوئٹ کیا کہ ‘ڈینیل ریڈکلف کورونا وائرس سے متاثر ہوگئے ہیں اور وہ پہلے مقبول اداکار ہیں جو اس بیماری سے متاثر ہوئے۔

سوشل میڈیا پر خبر آتے مداحوں نے اداکار کے لیے پیغامات جاری کرنا شروع کردیے تھے۔

ڈینیل ریڈکلف کے ترجمان نے میڈیا سے بات کرتے ہوئے کہا کہ یہ خبریں بے بنیاد ہیں۔

یاد رہے کہ داکار سے متعلق ایسی ٹوئٹس کرنے والے اکاؤنٹس کو ٹوئٹر کی جانب سے معطل کردیا گیا۔

واضح رہے کہ  دنیا بھر میں 11 مارچ کی دوپہر تک کورونا وائرس کے مریضوں کی تعداد ایک لاکھ 19 ہزار 133 تک جا پہنچی تھی، جن میں سے 81 ہزار کے قریب مریضوں کا تعلق چین سے تھا۔