پاکستان کی نامور اداکارہ صنم جھنگ نے کہا کہ اللہ سے دعا کریں کہ اُس کا گھر جلد کُھل جائے تاکہ ہم عمرہ و حج ادا کر سکیں۔

تفصیلات کے مطابق اداکارہ نے سماجی رابطے کی ویب سائٹ انسٹاگرام پر مداحوں سے دعا کرنے کی گزارش کی ہے۔

صنم نے اپنے والدین کی ایک تصویر شیئر کرتے ہوئے اپنے سفرِ عمرہ کی یادیں تازہ کیں اور لکھا کہ 2018 کا سال میرے لیے باعث رحمت رہا کہ جب ہم نے عمرہ کرنے کی سعادت حاصل کی تھی۔

See more

اداکارہ نے لکھا کہ میں اس وقت کے جذبات کو لفظ دینے سے قاصر ہوں۔

صنم جھنگ نے کہا کہ میں اللہ کا جتنا شکر ادا کروں وہ کم ہے کہ اس نے والدین کے ساتھ عمرے کرنے کا موقع دیا تھا۔

اداکارہ نےبتایا کہ وہ ہر رمضان اللہ تعالیٰ سے بلاوے کی دعا مانگتی تھیں اور آخر کار 2018 میں اللہ نے انہیں اپنے گھر بلایا۔

واضح رہے اداکارہ نے افسوس اکا اظہار کرتے ہوئے کہا کہ اب بھی بہت سے لوگوں کا حج و عمرہ کرنے کا ارادہ ہوگا لیکن کورونا کی وجہ عارضی طور پر سب بند کردیا گیا ہے لہزا پوری امت خداوند کریم سے دعا کریں کہ اس وائرس سے جلد سے جلد جان چھٹے تاکہ اللہ کا  گھر ہم سب کے لیے دوبارہ کھل جائے۔