پاکستان کی نامور جوڑی احد رضا میر اور سجل علی کی رسمِ مایوں کی تصاویر سوشل میڈیا پر وائرل ہو گئی ہیں۔

تفصیلات کے مطابق شوبز انڈسٹری کی من پسند جوڑی جن کی شادی کا سب مداحوں کو تھا انتظار، اب وہ انتظار ہوا ختم کیونکہ گزشتہ روز ہونے والی  رسمِ مایوں کی تصویر سوشل میڈیا پر شئیرکردی گئی ہیں۔

سوشل میڈیا پر شئیر ہونے والی تصاویر میں دیکھا جا سکتا ہے کہ رسمِ مایوں کی تقریب میں اداکارہ بنا میک اپ کے ہی اورنج لباس میں بہت خوبصورت لگ رہی ہے جبکہ اداکار احد رضا میر بھی سفید کُرتے میں خوب جچ رہے ہیں۔

احد اور سجل کی شادی کا دعوت نامہ موصول کرنا بے حد اچھا لگا، برطانوی ڈپٹی ہائی کمشنر

اس سے قبل نامور جوڑی احد رضا میر اور سجل علی کی ڈھولکی ہوئی تھی۔

سماجی را بطے کی ویب سائٹ انسٹاگرام پر احد رضا میر کی والدہ نے اسٹوری لگائی تھی جس میں سرخ و پیلے پھولوں کے درمیان کیک رکھا ہوا تھا اوراس پر احد اور سجل کی ڈھولکی بھی تحریر تھا۔

اس تصویر کے منظرعام پر آنے کے بعد احد اور سجل کے مداح نہ صرف خوش تھے بلکہ دونوں کو شادی کی مبارکباد بھی ملنا شروع ہو گئی تھی۔

واضح رہے کہ احد اورسجل کی جوڑی نے ڈراما سیریل ’’یقین کا سفر‘‘سے مقبولیت حاصل کی اور ان کی منگنی گزشتہ سال عید پرہوئی تھی۔