اداکارہ ثنا فخر کا مداحوں کے لیے پیغام

پاکستان کی اداکارہ اور ماڈل ثنا فخر نے سماجی رابطے کی ویب سائٹ انسٹاگرام پر مداحوں کے لیے پیغام شئیر کر دیا۔

تفصیلات کے مطابق اداکارہ کی سوشل میڈیا پرپوسٹ کی جانے والی ویڈیو میں دیکھا جا سکتا ہے کہ وہ اپنے مداحوں سے کیا کہ رہی ہیں۔

ثنا نے ویڈیو کے آغاز میں کہا کہ آج وہ اپنے مداحوں سے بہت ضروری پیغام شیئر کرنا چاہتی ہیں۔

اداکارہ نے کہا کہ لاک ڈاؤن کے دنوں میں آوارہ جانوروں کی آواز بنیں اور پالتو جانور کے شوقین افراد انہیں پالیں۔

انہوں نے کہا کہ ہم سب جانتے ہیں کہ دنیا کی ہر مخلوق خدائے برتر کی تخلیق کردہ ہے۔

اداکارہ نے کہا کہ جانور بھی اللہ کی تخلیق ہیں انہیں بھی اس زمین میں رہنے کا پورا حق ہے۔

انہوں نے کہا کہ ہم سب مل کر حکومت سے اپیل کریں کہ وہ گلیوں میں گھومنے والے جانوروں کو مارنے پر مستقل پابندی عائد کریں۔

ثنا نے مزید کہا کہ کتوں کو قتل کر دیا جاتا ہے جس کا ہمیں کوئی حق نہیں۔

واضح رہے کہ بے زبان جانوروں کی آواز بنے اور ان کی مدد کریں۔