پاکستان کے نامور موسیقار جنہیں ’تاجدارحرم‘ سے بہت شہرت ملی، انکی سوشل میڈیا پر آذان دینے کی ویڈیو تیزی سے وائرل ہو ررہی ہے۔

تفصیلات کے مطابق عاطف اسلم نے سماجی رابطے کی ویب سائٹ انسٹاگرام پرر ایک ویڈیو شیئر کی جس میں ان کی آواز میں آذان سنی جا سکتی ہے۔

See more

یاد رہے کہ پوسٹ کی جانے والی ویڈیو میں اذان کے ساتھ دکھائے جانے والے مناظر میں خانہ کعبہ، گنبد خضریٰ، قران کریم اور خدا کی قدرت شامل ہے۔

اس سے قبل عاطف اسلم کی آوازمیں پڑھا گیا مشہور و معروف کلام ’تاجدارحرم‘ اور حمد باری تعالیٰ ’وہی خدا ہے‘ کو بھی پوری دنیا میں بہت سنا اور پسند کیا گیا تھا۔

کورونا وائرس کے پیش نظر پاکستان بھر میں روز رات دس بجے اذانیں دی جا رہی ہیں تاکہ اذان کی برکتوں سے اللہ ہمیں جلد اس پریشانی سے نکال دے۔

دوسری جانب عاطف اسلم نے کورونا لاک ڈاؤن کی موجودہ صورتحال کے باعث گھر میں مایوس ہوتے مداحوں کے لیے ان کی فرمائش پر ’تاجدارِ حرم‘ بھی پڑھی۔

واضح رہے کہ  عاطف اسلم نے اپنی خوب صورت آواز میں اذان دی جسے سن کر ہر مسلمان پر رقت طاری ہو گئی ہے اور عاطف اسلم کی سحر انگیز آواز میں اذان نے سوشل میڈیا صارفین کو آبدیدہ کردیا ہے۔