پاکستان کی نامور اداکارہ مہوش حیات نے اب تک بالی وڈ انڈسٹری میں کیوں کام نہیں کیا اس کی وجہ بتا دی۔

تفصیلات کے مطابق تمغہ امتیاز حاصل کرنے والی اداکارہ مہوش حیات نے برطانوی نشریاتی ادارے کو دیے جانے والے انٹرویو میں بالی وڈ میں نا کام کرنے کی وجہ بتا دی۔

اداکارہ نے بتایا کہ دورانِ انٹرویو میزبان نے ان سے سوال کیا کہ آخر اب تک آپ نے کیوں بالی وڈ میں کام نہیں کیا۔

میزبان کی جانب سے کیے جانے والے سوال کا اداکارہ مہوش نے جواب دیا کہ مجھے پاکستان میں پہلے ہی اتنا معیاری کام مل رہا تھا کہ مجھے بالی وڈ میں کام کرنے کی ضرورت ہی محسوس نہیں ہوئی۔

یاد رہے اداکارہ مہوش حیات سوشل میڈیا پر بھی مختلف موضوعات پر اپنے رائے کا اظہار کرتے ہوئےنظر آتی ہیں۔

اداکارہ نے بتایا  کہ مجھے اپنے ملک سے ہی بے شمار عزت ملتی ہے۔

انہوں کہا میرے لیے سب سے ضروری عزتِ نفس ہے، جب آپ بالی وڈ میں کام کرتے ہیں تو وہاں کوئی عزت نفس نہیں ہوتی۔’بالی وڈ میں کام کرنے کے بعد آپ وہاں اپنی فلموں کے پریمئیرز میں شرکت نہیں کرسکتے اور یہ بات بہت بے عزتی کی ہے۔

واضح رہے کہ مہوش نے کہا جہاں عزتِ نفس نہ ہو اور صرف پیسہ اور شہرت ہو میرے لیے ایسا کام بالکل اہمیت نہیں رکھتا۔