نیلام گھر سے شہرت حاصل کر نے والے پاکستان ٹیلی وژن  کے معروف کمپیئر طارق عزیز کو لاہور میں سپرد خاک کردیا گیا۔

تفصیلات کے مطابق لاہور میں طارق عزیز کی نماز جنازہ ادا  کی گئی جس میں  اہل خانہ اور اہل علاقہ   نے بڑی تعداد میں شرکت کی تاہم اداکار نور الحسن اور خالد بٹ  کے علاوہ کسی بھی بڑی شخصیت نے شرکت نہیں کی۔

طارق عزیز کو گارڈن ٹاؤن کے قبرستان میں سپردِ خاک کردیا گیا۔

طارق عزیز، پاکستان کا ایک درخشاں ستارہ

واضح رہے کہ 28 اپریل 1936 کوجالندھر میں پیدا ہونے والے طارق عزیزآج دوپہر لاہور کے ایک نجی اسپتال میں انتقال کرگئے تھے۔

طارق عزیز کی عمر 84 برس تھی اور وہ گزشتہ کچھ عرصے سے  کافی علیل تھے ۔