اداکار و گلوکار محسن عباس حیدر  نے ایف آئی اے کے ہاتھوں اپنی گرفتاری سے متعلق خبروں کی تردید کردی ہے۔

تفصیلات کے مطابق معروف اداکار و گلوکار محسن عباس حیدر  نے ایف آئی اے کے ہاتھوں اپنی گرفتاری سے متعلق خبروں کی تردید کرتے ہوئے کہا کہ  میری گرفتاری سے متعلق جھوٹی خبریں چلائی جارہی ہیں۔

محسن عباس حیدر کا کہنا تھا کہ ایف آئی اے سائبر کرائم ونگ کراچی نے کل طلب کیا تھا۔ایف آئی اے کی جانب سے پوچھے گئے تمام سوالوں کے جوابات دیئے۔

انہوں نے کہا کہ معلوم نہیں کن مقاصد کے تحت میرے خلاف جھوٹی خبریں چلائی جارہی ہیں۔جھوٹی خبریں چلانے والوں کے خلاف کارروائی کے لیے قانونی ٹیم سے  مشاورت کررہاہوں۔