حال ہی میں سوشل میڈیا پر وائرل ہونے والی تصاویر میں ہانیہ عامر کے ہونٹ زیادہ نمایاں ہورہے تھے لیکن انہوں نے ہونٹوں کی سرجری کروانے کے حوالے سے کوئی تصدیق نہیں کی تھی۔

جس کے بعد مداحوں کی جانب سے ان پر تنقید بھی کی گئی تھی کہ اداکارہ نے یہ سرجری کروا کر اپنا چہرہ بگاڑ لیا ہے۔

ہانیہ عامر نے انسٹاگرام اسٹوری میں ایک ویڈیو جاری کی جس میں انہوں نے ہونٹوں کی سرجری نہ کرانے کی تصدیق کی اور اپنی تصاویر میں ایسا لگنے کی وجہ بتائی۔

ویڈیو میں انہوں نے کہا کہ ان کے دوست نے انہیں بتایا کہ جس فلٹر کی وجہ سے وہ بدنام ہورہے ہیں تو اس میں اسکیل کو پکڑ کر نیچے لائیں تو ہونٹ نارمل ہوجاتے ہیں۔

See more

اس سے قبل اداکارہ ہانیہ عامر کی جانب سے شیئر کی گئی اُن کی چند تصاویر پر مداحوں کا کہنا تھا ہانیہ عامر اب مزید خوبصورت نہیں  رہی ہیں ۔

دوسری جانب ہانیہ عامر نے رواں سال کے اوائل میں اپنے انسٹاگرام اکاؤنٹ پر ایک تصویر جاری کی تھی جس میں وہ کچھ مختلف دکھائی دے رہی تھیں۔

اداکارہ کی تصویر پر مداحوں کا کہنا تھا کہ اداکارہ نےشاید سرجری کروالی ہے جو کہ غلط ہوگئی اور اس نے اُن کی قدرتی خوبصورتی کو ختم کردیا ہے۔

جبکہ صار فین کا کہنا تھا کہ ’ہانیہ عامر عمر رسیدہ خاتون نظر آرہی ہیں‘ تو کسی نے کہا کہ ’سرجری کا نقصان، آپ مزید خوبصورت نہیں رہیں۔

یاد رہے کہ بہت کم عرصے میں پاکستانی شوبز انڈسٹری میں نام بنانے والی اداکارہ ہانیہ عامر کو اکثر و بیشتر تنقید کا سامنا رہتا ہے۔

واضح رہے کہ ہانیہ عامر اپنے مداحوں کے ساتھ رابطے میں رہنے کے لیے سوشل میڈیا پر کافی متحرک نظر آتی ہیں اور آئے دن اپنے مداحوں کے ساتھ نئی تصاویر اور ویڈیوز شیئر کر کے اُنہیں ٹریٹ دیتی رہتی ہیں ۔