ترکی کا تاریخی ڈرامہ سیریز دیرلیس ارطغرل غازی میں چاہو دار قبیلے کے سردار کے بیٹے علیار بے کا کردار نبھانے والے اداکار جیم اوچان اپنے مداحوں اور دوستوں سے ملنے کیلئے پاکستان کا دورہ کرنے کیلئے تیار ہیں۔

فوٹو اور ویڈیو شیئرینگ کی معروف ویب سائٹ انسٹاگرام پر اپنے پیغام میں اداکار جیم اوچان نے کہا کہ اپنے پاکستانی دوست عمران عباس اور مداحوں سے ملنے کے لیے بہت بے چین ہوں اور جلد پاکستان آنے کا ارادہ رکھتا ہوں۔

اداکار جیم اوچان نے اپنے انسٹاگرام پوسٹ پر پاکستان سے محبت کا اظہار بھی کیا۔

واضح رہے کہ کچھ روز قبل پاکستان کے معروف اداکار عمران عباس نے ترکی میں ارطغرل ڈرامہ سیریز کے اداکار جیم اوچان سے ملاقات کی تھی، جس پر ترک اداکار نے عمران عباس سے اپنی محبت و نیک تمناؤں کا اظہار کیا تھا۔