پاکستان شوبز انڈسٹری سے تعلق رکھنے والے اداکار فیروز خان نے اپنی والدہ صوفیہ ملک کے لیے محبت بھرا پیغام جاری کر دیا۔

اداکار فیروز خان نے سوشل میڈیا سائٹ انسٹاگرام پر والدہ کے ساتھ تصویر شیئر کی ہے۔

مزید پڑھیں

اداکار فیروز خان نے ٹک ٹاک کو کینسر قرار دے دیا

پاکستان کے نامور اداکار فیروز خان نے وڈیو شیئرنگ ایپ ٹک ٹاک پر...

See more

فیروز خان کی جانب سے پوسٹ کی جانے والی تصویر کی کیمشن میں اداکار نے لکھا کہ ماں کے پاس آکر انہیں جو سکون اور اطمینان ملتا ہے وہ دنیا میں کہیں نہیں مل سکتا۔

اداکار نے اپنی کامیابیوں کا تمام تر کریڈٹ انہیں دے دیا ان کا ماننا ہے کہ آج وہ جو کچھ بھی ہیں اپنی ماں کی بدولت ہیں۔

فیروز خان نے کہا کہ ان کی خواہش ہے کہ وہ ہمیشہ اپنی والدہ کے لیے فخر کا باعث بنیں اور انہیں کبھی مایوس نہ کریں۔

فیروز خان نے دعا کی کہ اللّٰہ پاک ان کی والدہ کو ہمیشہ سلامت رکھے۔

خیال رہے کہ شوبز انڈسٹری سے عارضی کنارہ کشی اختیار کرنے والے فیروز خان آخری بار زارا نور عباس کے ساتھ ٹیلی فلم میں دکھائی دئیے۔

واضح رہے کہ فیروز خان نے 2014 کے بعد اداکاری کی شروعات کی اور انہوں نے اب تک ایک درجن تک ڈراموں میں کام کیا۔