ایک یوٹیوب چینل کے ذریعے کتنے اور کس طرح پیسے کمائے جاسکتے ہیں، اس کا پتہ لگالیا گیا ہے۔

یوٹیوب سے پیسے کمانہ آسان تو نہیں لیکن اگر پالیسی کو فالو کیا جائے تو اس کے ذریعے اچھی اور بہتر کمائی کرنا مشکل ہر گز نہیں ہے۔

یوٹیوب نے مواد تخلیق کرنے والوں کو مونیٹائز کرنے کے لیے اہلیت کا ایک معیار طے کیا ہوا ہے، اس کی مونیٹائزیشن پالیسی کی تحت کسی بھی چینل کے گزشتہ 12 مہینوں میں ایک ہزار سے زاید سبسکرائبرز، 4 ہزار پبلک واچ آورز ہونا ضروری ہے۔

مونیٹائزیشن کے لیے چینل کا فعال رہنا بھی ضروری ہے، پالیسی میں کہا گیا ہے ’ ہم چینلز پر مونیٹائزیشن روک سکتے ہیں جنہوں نے 6 ماہ یا اس سے زائد عرصے تک کمیونٹی ٹیب پر کوئی ویڈیو اپلوڈ یا پوسٹ نہیں کی‘۔

شروعات بہت ہی سست ہے، برانڈز کو شراکت داری شروع کرنے میں 2 سے 3 سال لگ سکتے ہیں، اوسطاً یوٹیوب پاکستان میں ایک ہزار ویوز پر 0.3 ڈالر سے ایک ڈالر ادا کرتی ہے۔