پاکستان کے نامور اور ہر دل عزیز گلوکار علی ظفر کا سندھی گیت ’’ الّے ‘‘ کا پرومو سوشل میڈیا پر جاری ہو گیا۔

تفصیلات کے مطابق گلوکار علی ظفر  نے مقبول ترین بلوچی گیت ’لیلا او لیلا ‘ کی کامیابی کے بعد سندھی گیت ’’ الّے ‘‘ کا پرومو ریلیز کر دیا۔

مزید پڑھیں

علی ظفر کی ویڈیو کس نے لیک کی؟

معروف راک اسٹارعلی ظفر کی ویڈیو سوشل میڈیا پر لیک ہو گئی۔...

یاد رہے کہ بلوچستان سے تعلق رکھنے والی کم عمر 13 سالہ گلوکارہ عروج فاطمہ نے گزشتہ سال علی ظفر کے ساتھ گلوکاری کی خواہش کا اظہار کیا تھا جس پر گلوکار نے مداح کی خواہش کا خیر مقدم کرتے ہوئے عروج کے ساتھ بلوچی گیت ’لیلا او لیلا‘ بنایا تھا۔

علی ظفر اور عروج فاطمہ کے اس گیت کو شائقین کی جانب سے اتنا پسند کیا گیا تھا کہ گیت نے مقبولیت کے ریکارڈ اپنے نام کرلیے۔

اس گیت کو یوٹیوب پر اب تک اس ویڈیو کو 2 کروڑ سے زائد بار دیکھا جا چکا۔

گلوکار علی ظفر نے اپنی مداح کے ساتھ ایک اور گیت کا پرومو جاری کردیا ہے۔

علی ظفر انسٹا گرام پر جاری کردہ پرومو میں سندھی روایتی رقص کرتے نظر آرہے ہیں۔

ویڈیو کے ساتھ کیپشن میںگلوکار نے لکھا کہ’لیلا او لیلا ‘ کی کامیابی کے بعد اس بار میں اور فاطمہ ’الّے‘ گیت کے ساتھ واپس آرہے ہیں۔

واضح رہے کہ رواں ماہ 26 نومبر کو علی ظفر لا سندھی گیت ریلیز کیا جائے گا۔