معروف پاکستانی اداکار فلم شوٹنگ کے لیے لندن پہنچ گئے
معروف پاکستانی اداکار نسیم وکی اور قیصر پیا فلم شوٹنگ کےلیے لندن پہنچ گئے۔
تفصیلات کے مطابق پاکستان کے معروف کامیڈین نسیم وکی ان دنوں لندن میں مقیم ہیں جہاں وہ اپنی نئی آنے والی پنجابی فلم ’ پھٹے دیندے چک پنجابی ‘ کی شوٹنگ میں مصروف ہیں۔
فلم میں بھارتی پنجاب کے نامور فنکار بھی شامل ہیں جن میں اداکار گپی گریوال، اداکارہ نیرو باجوہ اور دیگر قابل ذکر ہیں۔
فلم کی کاسٹ میں بھارت اور پاکستانی پنجاب کے نامور فنکاروں کی موجودگی کی وجہ سے ماہرین اسے بڑی فلم قرار دے رہے ہیں۔
ہمبل موشن پیکچر اور اوم جی پروڈکشن کے بینر تلے تیار ہونے والی فلم کو یوکے پنجابی فلم کا نام دیا جارہاہے۔
فلم کی دیگر پاکستانی کاسٹ میں معروف اداکار قیصر پیا اور احمد علی بٹ بھی شامل ہیں۔اداکار نسیم وکی اور قیصر پیا برطانوی ویزہ تاخیرسے ملنے کی وجہ سے وقت پرشوٹنگ کا حصہ نہیں بن سکے۔
قیصر پیا اورنسیم وکی کے فلم میں رہ جانے والے سینز کو عکس بند کیا جارہاہے۔
لندن سے بول نیوز کے نمائندے معین زبیر سے گفتگو میں اداکار نسیم وکی نے کہا کہ فلم میں ان کے کردار کو مداح بے حد پسند کریں گے۔
اداکار نسیم وکی نے مزید کہا کہ ہمیشہ کوشش رہی ہے کہ اپنے فن سے لوگوں کے چہروں پر مسکراہٹیں بکھیروں۔فلم پھٹے دیندے چک پنجابی آئندہ سال عید الضحی پر ریلیز کی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News